سوات(زمونگ سوات ڈاٹ کام)چترال جنرل آفیسر کمانڈنگ آرمی مالاکنڈ ڈویژن میجر جنرل علی عامر اعوان کی خصوصی ہدایت پر منعقدہ دوسری لواری سنو جیپ ریلی اپنی تمام رنگینیاں بکھیرتی ہوئی آج اختتام پذیر ہو گئی۔ریلی کے شرکاء کا حوصلہ بڑھانے کیلئے جگہ جگہ عوام بڑی تعداد میں موجود تھے۔ایسا لگ رہا تھا کہ پورا دیر شہر جیپرز کا حوصلہ بڑھانے کیلئے نکلا ہوا ہے ۔ریلی صبح ساڑھے آٹھ بجے کولنڈی سے سٹارٹ ہو ئی جس میں پورے پاکستان سے پانچ مختلف کلبوں نے حصہ لیا جن کے ممبران کی ٹوٹل تعداد 50تھی۔ہر جیپر کی یہ کوششں ہوتی تھی کہ وہ یہاں ریلی میں پہلی پوزیشن حاصل کر کے جائے۔دو دن سے جاری برفباری نے جیپ ریلی کے مزے کو دوبالا کر دیاجس کی وجہ سے ریلی کا ٹریک Adventuerousہو گیا تھا۔ریلی تقریباپانچ گھنٹے جاری رہنے کے بعد ختم ہو گئی جس میں پہلی ،دوسری اورتیسری پو زیشن بالترتیب سید اعزاز اسلام آباد کلب،تیمور خان فرنٹیئر4×4کلب اور شہزادہ رضا چترال کلب نے حاصل کی۔ یاد رہے کہ دوسری لواری سنو جیپ ریلی پاکستان آرمی کے زیر انتظام لواری ٹاپ کے مقام پر منعقد ہوئی اس سلسلے میں ضلع دیر کی سول انتظامیہ نے بھی اپنا بھر پور تعاون فراہم کیااور ضلع دیر کی پولیس بھی ریلی کو کامیاب کرانے میں کسی سے پیچھے نہیں رہی اور اپنی ذمہ داری بطریق احسن پوری کی۔ریلی کے مہمان خصوصی جنرل آفیسر کمانڈنگ آرمی مالاکنڈ ڈویژن میجر جنرل علی عامر اعوان نے افتتاحی تقریب کے موقع پر پہلی ،دوسری اورتیسری پو زیشن حاصل کرنے والے جیپرز میں کیش انعام تقسیم کیا۔پہلی پوزیشن حاصل کرنے والے جیپرکو کیش مبلغ پچاس ہزار روپے بمع جبکہ دوسری پوزیشن حاصل کرنے والے کو تیس ہزار روپے جبکہ تیسری پوزیشن حاصل کرنے والے کوبیس روپے کیش انعام دیا۔اسکے علاوہ تینوں پوزیشن حاصل کرنے والے جیپرز کو اعزازی شیلڈ بھی دی گئی۔تقسیم انعامات کے بعد میجر جنرل علی عامر اعوان نے انتظامیہ کو کامیاب ریلی کے انعقاد پر مبارکباد دی اور کہا کہ ریلی کے کامیاب انعقاد نے اس بات کو ایک دفعہ پھر ثابت کر دیا کہ مالاکنڈ ڈویژن میں امن کا بول بالا ہے اور اب کوئی دہشت گرد آکرمالاکنڈ ڈویژن میں اپنے مظموم مقاصد میں کامیاب نہیں ہو سکتا۔مزید یہ کہ اس ریلی کے انعقاد سے پوری دنیا کو یہ پیغام جاتا ہے کہ پاکستان ایک پرامن ملک ہے اور یہاں کے لوگ بھی امن چاہتے ہیں۔مہمان خصوصی کے علاوہ دیگر مہمانوں میں خیبر پختونخواہ کے سینئر منسٹر عنائت اللہ خان اور ضلع ناظم اپر دیر ایم پی اے صاحب زادہ ثناء اللہ،ایم این اے طارق اللہ،تحصیل ناظم،ڈپٹی کمشنر اور ڈی پی او اپر دیر نے بھی شرکت کی۔اس خوبصورت تقریب کو چار چاند اس وقت لگے جب وادی کالاش کے خواتین و حضرات نے روایتی ڈانس کیا۔اس کے علاوہ لوگوں نے روایتی خٹک ڈانس بھی پیش کیا۔




ایک تبصرہ شامل کریں…
0 Likes
336 مناظر