جنرل قمر باجوہ کے زیر صدارت کورکمانڈرزکانفرنس،امریکہ سے متعلق اہم فیصلے کرلئے گئے




راولپنڈی(زمونگ سوات ڈاٹ کام) آرمی چیف جنرل قمر جاوید باجوہ نے کہا ہے کہ آپریشنل کامیابیوں کو حکومت کی مدد کر کے مستحکم کیا جا رہا ہے بلوچستان میں اقتصادی ترقی پر مزید توجہ مرکوز کی جا ئیگی جبکہ کور کمانڈرز کانفرنس میں جیو اسٹریٹجک صورتحال پرغور کے دوران افغان اور امریکی حکام کے ساتھ حالیہ رابطوں پر تبادلہ خیال کیا ہے۔آئی ایس پی آر کے مطابق 205 ویں کور کمانڈرز کانفرنس جمعرات کو جی ایچ کیو میں چیف آف آرمی سٹاف جنرل قمر جاوید باجوہ کی زیر صدارت منعقد ہوئی ۔ اجلاس کے دوران جیو سٹریٹجک سیکیورٹی صورتحال بالخصوص حالیہ دنوں میں افغانستان اور امریکہ کے حکام کے ساتھ ہونیوالے رابطوں کے حوالے سے تبادلہ خیال کیا گیا ۔ کور کمانڈرز کانفرنس میں ملکی اندرونی سیکیورٹی صورتحال انسداد دہشتگردی کے حوالے سے جاری آپریشنز پر پیش رفت اور پائیدار امن اور استحکام کے حصول کیلئے ان آپریشنزکے ممکنہ اثرات پر تبادلہ خیال کیا گیا۔ اجلاس کے شرکاء نے قومی مفاد کے مطابق سیکیورٹی اداروں کے کردار جاری رکھنے پر اتفاق کیا ۔ آرمی چیف جنرل قمر جاوید باجوہ نے اجلاس سے خطاب کرتے ہوئے کہا کہ آپریشنل کامیابیوں کو حکومت کی مدد کر کے مستحکم کیا جا رہا ہے تاکہ سماجی و اقتصادی شعبے میں ترقی ہو سکے ۔ انہوں نے کہا کہ بلوچستان میں اقتصادی ترقی پر مزید توجہ مرکوز کی جا ئیگی۔ کور کمانڈرز کانفرنس کے دوران متعدد اندرونی معاملات اور پیشہ ورانہ امور بشمول شہداء کے خاندانوں کیلئے خصوصی فلاحی اقدامات پر تبادلہ خیال کیا گیا۔




ایک تبصرہ شامل کریں…
0 Likes
61 مناظر