نوجوان کا نکاح پڑھانے کیلئے مولانا طارق جمیل انتظار ہی کرتے رہ گئے، تقریب سے چند گھنٹے قبل اس نے خودکشی کرلی کیونکہ۔۔




اسلام آباد(زمونگ سوات ڈاٹ کام ) پسند کی شادی نہ ہونے پر نوجوان نے نکاح کے روز خودکشی کر لی، مولانا طارق جمیل نکاح پڑھانے کا انتظار کرتے رہ گئے۔ تفصیلات کے مطابق سیٹلائٹ ٹاؤن کے رہائشی امام بارگاہ روڈ کے چوہدری ذوالفقار احمد گزشتہ روز حسب معمول اپنے 25سالہ بیٹے صہیب کے ہمراہ فجر کی نماز کی ادائیگی کے لئےمسجد گئے جہاں صہیب نماز کی ادائیگی کے بعد جلد مسجد سے نکل آیا ۔ والد جب گھر پہنچے اور صہیب کا انتظار کرتے رہے اور وہ نہ آیا تو انہیں تشویش لاحق ہوئی کیونکہ صہیب کا نکاح اسی روز نکاح بھی قرار پایا تھا اور معروف اسلامی سکالر طارق جمیل نے صہیب کا نکاح پڑھانا تھا۔ صہیب کی تلاش میں جب اہل خانہ نکلے تو کچھ دیر بعد اطلاع ملی کہ ایک نوجوان کی لاش ملحقہ آبادی فضل آباد میں مکئی کے کھیت میں پڑی ہے ۔ اہل خانہ جب وہاں پہنچے تو وہ صہیب کی ہی لاش تھی جس نے اپنے والد کے لائسنسی پستول سے اپنی زندگی کا خاتمہ کر لیا تھا۔ صہیب گھروالوں کے طے کئے رشتے پر راضی نہ تھا۔ پولیس نے موقع پر پہنچ کر نعش قبضہ میں لے لی، پوسٹمارٹم کے بعد ضروری کارروائی کرکے نعش ورثاء کے حوالے کردی گئی ہے۔




ایک تبصرہ شامل کریں…
0 Likes
57 مناظر