پاک فوج کے سربراہ جنرل قمر جاوید باجوہ سے جاپانی وزیر خارجہ کی ملاقات




راولپنڈی (زمونگ سوات ڈاٹ کام)جاپان نے خطے کے امن و استحکام اور انسداد دہشتگردی کیلئے پاکستانی کوششوں کا اعتراف کرتے ہوئے سکیورٹی اور انسداد دہشتگردی کے شعبوں میں تعاون بڑھانے کی خواہش کا اظہار کیا ہے ۔آئی ایس پی آر کے مطابق چیف آف آرمی سٹاف جنرل قمر جاوید باجوہ سے جاپانی وزیر خارجہ تارو کونو نے جمعرات کو جی ایچ کیو میں ملاقات کی۔جاپانی وزیر خارجہ کو اس موقع پر گارڈ آف آنر پیش کیا گیاانہوں نے یادگار شہدائے پر پھولوں کی چادر چڑھائی ۔جاپانی وزیر خارجہ کو دہشتگردی کے خلاف جنگ اور علاقائی امن کیلئے پاکستان کے کر دار سے متعلق بریفنگ دی گئی ۔تارو کونو نے علاقائی امن اور استحکام کیلئے پاکستان کی کوششوں کو سراہا ۔جاپانی وزیر خارجہ نے کہا کہ ان کا ملک پاکستان کے ساتھ سکیورٹی بالخصوصانسداد دہشتگردی کے شعبے میں تعاون بڑھانے کا خواہاں ہے ۔جاپانی وزیر خارجہ نے عارضی بے گھر افراد کی بحالی اور بارڈر کراسنگ پوائنٹ پر سکیننگ کے آلات کی فراہمی کے بارے میں بھی بتایا ۔پاک فوج کے سربراہ نے جاپانی وزیر خارجہ کی طرف سے خطے کے امن اور انسداد دہشتگردی کیلئے پاکستانی کوششوں کے اعتراف پر تشکر کا اظہار کیا ۔




ایک تبصرہ شامل کریں…
0 Likes
37 مناظر