منظم ٹریفک کسی بھی معاشرے کے رول ماڈل ہونے کی علامت ہوتی ہے، ڈی پی او سوات واحد محمود




سوات ( زمونگ سوات ڈاٹ کام ) منظم ٹریفک کسی بھی معاشرے کے رول ماڈل ہونے کی علامت ہوتی ہے، جو حادثات رونماء ہوتے ہیں ان میں اکثریت موٹر سائیکل سواروں کی ہوتی ہے جن میں زیادہ کم سن بچے ہوتے ہیں،کم عمر لڑکوں کو موٹر سائیکل چلانے نہ دیا جائے۔ضلعی پولیس سربراہ کیپٹن (ر) واحد محمود، تفصیلات کے مطابق سوات پولیس کی جانب سے حادثات میں انسانی جانوں کو بچانے کیلئے موٹر سائیکل سواروں میں مفت ہیلمٹ کی تقسیم کا آغاز ،سینکڑوں موٹر سائیکل سواروں میں ہیلمٹ تقسیم ،مہم جاری رہیگا ، ڈسٹرکٹ پولیس افیسرکیپٹن (ر) واحد محمود ،سوات ٹریڈرز فیڈریشن کے صدر عبدالرحیم نے اللہ اکبر چوک ، سہراب چوک،قمبر بائی پاس چوک میں سیکڑوں موٹر سائیکل سواروں میں مفت ہیلمٹ اور ’’مہذب شہر ی منظم ٹریفک مہم ‘‘ کے حوالے سے بروشر اور پمفلیٹ تقسیم کئے اور انہیں ہیلمٹ کی اہمیت سے اگا ہ کیا اس موقع پر ڈسٹرکٹ پولیس افیسر سوات کیپٹن (ر) واحد محمود نے میڈیا سے گفتگو کرتے ہوئے کہا کہ شہر میں ٹریفک نظام کو بہتر بنانے کیلئے مختلف قسم کے مہم شروع کئے گئے ہیں جن میں عوام شعور مہم اہمیت کا حامل ہیں اور اس سلسلے میں آج سے مفت ہیلمٹ تقسیم کرنے کی مہم شروع کی گئی ہے ،انہوں نے کہا کہ شہر میں غلط پارکنگ ،غیر قانونی گاڑیوں ،سٹینڈوں اور اناڑی ڈرائیواران کے خلاف مہم تیزی سے جاری ہے ،لیکن جو حادثات رونماء ہوتے ہیں ان میں اکثریت موٹر سائیکل سواروں کی ہوتی ہے جن میں زیادہ کم سن بچے ہوتے ہیں جو کہ احتیاطی تدابیر اختیار نہ کرنے کے وجہ سے موت کے منہ میں چلے جاتے ہیں جسکا سختی سے نوٹس لیا گیا ہے اور اس سلسلے میں ٹریفک پولیس کو سختی سے ہدایات جاری کئے گئے ہیں اس وجہ سے ہم نے فری ہیلمٹ مہم شروع کیا جس میں پہلے مرحلے میں مفت ہیلمٹ تقسیم کرینگے اور اسکے بعد سخت کاروائی کی جائیگی ،انہوں نے کہا کہ والدین بھی اس سلسلے میں احتیا ط سے کام لیں اور کم عمر لڑکوں کو موٹر سائیکل نہ دیں تاکہ ان کی زندگی کو محفوظ بنایا جاسکیں ۔




ایک تبصرہ شامل کریں…
0 Likes
27 مناظر