کسی بھی ناخوشگوار واقعے سے نمٹنے کیلئے سپیشل پولیس کمانڈوز کا انسداد دہشتگردی مشقوں کا ضلع بھر میںآغاز




سوات(زمونگ سوات ڈاٹ کام ) سپیشل پولیس کمانڈوزکے دستوں کا انسداد دہشتگردی مشقوں کا اعلی پولیس افسران کے زیر نگرانی ضلع بھر میں آغاز۔اس سلسلے میں کسی بھی ناگہانی ناخوشگوار واقعات میں انسانی قیمتی جانوں کے کم سے کم ضیاع اور ریسکیو مشن میں محصور افراد کو بہ خیر وعافیت نکالنے اور دشمن کو حراست میں لینے کی مشقوں کا عملی مظاہرہ ڈی پی او آفس سوات میں بھی کیا گیا ۔تفصیلات کے مطابق ضلعی پولیس سربراہ کیپٹن(ر)واحد محمود (PSP ) کے خصوصی احکامات پر ضلع بھر میں تمام اہم اور حساس وعوامی مقامات پر انسداد دہشتگردی کی خصوصی مشقوں کی ریہرسل کا اعلی پولیس افسران DSPسیدو شریف پیرسید خان اور SHO تھانہ سیدو شریف رحمت علی کی نگرانی میں ڈی پی او آفس،تھانہ سیدو شریف اور دیگر مقامات پرپولیس سپیشل کمانڈوزRRF ٹروپس،ایلیٹ کمانڈوزٹروپس،BDS یونٹ ،پولیس کے بکتر بند دستوں نے نمایاں حصہ لیا۔پولیس کے اسپیشل کمانڈوزRRF اور ایلیٹ کے دستوں نے کسی بھی ناخوشگوار واقعے کی اطلاع ملتے ہی موقع پر فوری طور پر پہنچنے اور وہاں پر محصور عوام کو بہ حفاظت نکالنے کے ریسکیو مشن کا بہ خوبی عملی مظاہرہ کیا۔عوام الناس نے پولیس کو ان کے تحفظ اور امن وآمان کے لیے اْٹھائے گئے سیکیورٹی اقدامات کو خوب سراہا اور ملک اور قوم کے تحفظ و امن و آمان کے لیے انسداد دہشتگردی کے لیے کی جانے والی مشقوں کو انتہائی اہم قراد دیا۔ ضلعی پولیس سربراہ کیپٹن(ر)واحد محمود (PSP )نے اس موقع پر آپنے پیغام میں کہا کہ زمانہ آمن میں کی جانے والی سخت اور پر مشقت انسداد دہشتگردی مشقیں ہی عملی میدان میں فورسزکو اہم اور نمایاں ایڈوانٹیج دیتی ہے ۔جس سے نہ موافق حالات کے رخ کا دھارا بھی کوشش کرتے ہوئے موڑا جا سکتا ہے۔ملکی حالات کے تناظر میں فورسزز کے ٹرینگ اور ان کی سرجیکل فائٹنگ پاور کو مزیدبہتر بنانے کے لیے مختلف ایڈوانس کورسزز بھی جاری ہے ۔




ایک تبصرہ شامل کریں…
0 Likes
48 مناظر