مریم نواز نے پاکستان واپسی کیلئے بڑی شرط عائد کردی




لندن(زمونگ سوات ڈاٹ کام) پاکستان مسلم لیگ (ن) کی رہنما مریم نواز نے وطن واپسی کا فیصلہ اپنی والدہ کی صحت سے مشروط کردیا۔میڈیا سے گفتگو کرتے ہوئے مریم نواز نے کہا کہ پاکستان واپسی کا فیصلہ والدہ کی صحت سے مشروط ہے لیکن جلد واپس جائیں گے۔انہوں نے کہا کہ مسلم لیگ (ن) کو نشانہ بنا یا جا رہا ہے،مگر عوام سے دور نہیں کیا جا سکتا، نواز شریف کا بیانیہ گھر گھر پہنچ چکا ہے، عوام جانتے ہیں کسے ووٹ ڈالنا ہے، پاکستانی قوم جمہوریت کیلئے اچھا فیصلہ کرے گی۔مسلم لیگ (ن) کی رہنما نے کہاکہ یہ نواز شریف کا خوف ہے کہ جس نے پہلے کچھ نہیں کیا آج وہ بھی کام کرنے پر مجبور ہے لہٰذا جس پر نواز شریف کا ہاتھ ہوگا وہ جیتے گا اور ہمارا ووٹر شیر پر ہی مہر لگائے گا۔واضح رہے کہ نوازشریف کی اہلیہ کلثوم نواز کینسر کے علاج کی غرض سے چند ماہ سے لندن میں زیر علاج ہیں جن کی عیادت کے لیے نوازشریف اور مریم نواز بھی لندن میں موجود ہیں۔




ایک تبصرہ شامل کریں…
0 Likes
52 مناظر