وکلاءعوام کو انکے دہلیز پر انصاف فراہمی کیلئے تمام صلاحیتوں کو بروئے کار لائیں، سینئر جج جسٹس لعل جان خٹک

مینگورہ (زمونگ سوات ڈاٹ کام)پشاور ہائی کورٹ مینگورہ بینچ کے سینئر جج جسٹس لعل جان خٹک نے کہا ہے کہ بار اور بینچ لازم و ملزوم ہیں ، وکلاءعوام کو انکے دہلیز پر انصاف فراہمی کیلئے تمام صلاحیتوں کو بروئے کار لائیں ، جو ڈیشری اس سلسلے میں ہر ممکن تعاون کریگی ، سوات میں ججز کی کمی کا مسئلہ بھی اٹھائیں گے ، ہم سب کاکام ایک اور ہم کو عوام کے مسائل و مشکلات کے ازالے کیلئے کردار ادا کرنا ہوگا ، وہ گزشتہ روز ڈسٹرکٹ بار ایسوسی ایشن سوات کی تقریب حلف برداری سے خطاب کرتے ہوئے کیا ، اس موقع پر بار کے نومنتخب صدر حضرت معاذ ایڈووکیٹ ، جنرل سیکرٹری نسیم گل ایڈووکیٹ ، سابق صدر شمشیر علی خان میرخانخیل نے بھی خطاب کیا ، اس موقع پر مینگورہ بینچ کے دیگر ججز ، دسٹرکٹ اینڈ سیشن جج سوات ، تحصیل ناظم بابوزئی اکرام خان ، تحصیل بار خوازہ خیلہ کے صدر لیاقت علی خان ایڈووکیٹ اور جملہ اراکین بار نے شرکت کی ، اس سے قبل سینئر جسٹس لعل جان خان خٹک نے نومنتخب صدر حضرت معاذ ایڈووکیٹ اور دیگر کابینہ سے حلف لیا، تقریب سے خطا ب کرتے ہوئے جسٹس لعل جان خان خٹک نے کہا کہ بار اور بینچ سے عوام کی انصاف کی فراہمی کیلئے ذمہ داریاں عائد ہوتی ہے ، موجودہ دور میں وکلاءکی عوام کو انصاف کی فراہمی کیلئے کردار کو نظر انداز نہیں کیا جاسکتا ، انہوں نے کہا کہ سوات کے وکلاءنے قانون و آئین کی حکمرانی کیلئے طویل اور کامیاب جدوجہد کی ہے جس پر ہمیں فخر ہیں ، وکلاءاپنے دفاتر عدالتوں میں آنے والے سائلین ، غریب خواتین اور بچوں کے کیسز احسن طریقے سے انجام دیں تاکہ انصاف کی فراہمی میں حائل رکاوٹیں دور ہوسکیں ۔