پاکستانی گلوکار طاہر شاہ پاکستان اور بھارت کے بعد دنیا بھر میں چھاگئے

کراچی(زمونگ سوات ڈآٹ کام) پاکستانی گلوکار طاہر شاہ اپنے دوسرے نئے گانے کے ریلیز ہوتے ہی پاکستان اور بھارت کے بعد دنیا بھر میں چھاگئے۔آئی ٹو آئی گانے سے مقبولیت حاصل کرنے والے طاہر شاہ اپنے سابقہ گانے کا ریکارڈ توڑنے کیلئے پر عزم ہیں،ان کے نئے گانے ’اینجل ‘نے ایک بار پھر دھوم مچا دی ہے۔پاکستانی گلوکار طاہر شاہ نے اپریل دوہزار تیرہ میں ’آئی ٹو آئی‘نامی گانا ریلیز کیا تھا جو راتوں رات مقبولیت کے کئی ریکارڈ قائم کرگیا تھا۔
یہ گانا دیکھتے ہی دیکھتے زبان زد عام ہو گیا،اس گانے کی ویڈیو منظر عام پر آنے کے بعد گانا سننے سے زیادہ پوری دنیا کے لوگوں نے گانا گانے والے کے بالوں پر توجہ دی۔آئی ٹوآئی کی ویڈیو سوشل میڈیا پر وائرل ہوئی اور کئی ریکارڈ بنائے،اب طاہر شاہ کے نئے گانے اینجل کی حیرت انگیز ویڈیو کے ساتھ سامنے آئے ہیں،طاہر شاہ کے اس گانے کی ویڈیو ہی کمال کی نہیں،بلکہ اس کے بول بھی دلچسپ اور منفرد ہیں۔
اینجل کے بارے میں کہا جا رہا ہے کہ یہ نئے ریکارڈ قائم کرے گا، اس گانے کو چند گھنٹوں میں ہزاروں افراد فیس بک پر دیکھ کر محظوظ ہوئے ہیں جبکہ یوٹیوب اور ٹوئٹر پر بھی ایجنل کے فالورز کی کمی نہیں۔سماجی رابطے کی ویب سائٹ فیس بک اور ٹوئٹر پر آج طاہر شاہ چھائے رہے ، ٹوئٹر پرپہلے پاکستان اور پھر بھارت میں نمبر ون اس کے بعد دنیا میں تیسرے نمبر پر ٹرینڈ کرنے لگا