بھارت ایران پر مہربان، بڑا اعلان کردیا

ہران،بھارتی وزیر پیٹرولیم نے ایران کے تیل و گیس کے منصوبوں میں اربوں ڈالر کی سرمایہ کاری کا اعلان کردیا، بھارت نے کہا ہے کہ دونوں ممالک کے درمیان بینکنگ سسٹم شروع ہوتے ہی ایران کی واجب الادا رقم ادا کر دی جائے گی۔بھات کے وزیر پیٹرولیم دھرمیندر پردھان نے ایران اوربھارت کے اقتصادی وفد کے اجلاس کے بعد صحافیوں سے گفتگو کرتے ہوئے کہا کہ ایران اوربھارت کے درمیان بینکنگ سسٹم شروع ہوتے ہی ایران کی واجب الادا رقم ادا کر دی جائے گی۔بھارتی وزیر پیٹرولیم نے کہا کہ بھارت ایران کے تیل و گیس کے منصوبوں میں اربوں ڈالر کی سرمایہ کاری کریگا۔انھوں نے کہا کہ ابھی کچھ برسوں پہلے تک ہی ایران، بھارت کو خام تیل فراہم کرنے والا دوسرا بڑا ملک تھا لیکن اب وہ چھٹا ملک بن گیا اور ہم چاہتے ہیں کہ ایران ماضی کی مانند پھر سے ہندوستان کو تیل فراہم کرے۔انھوں نے کہا کہ ایران کے ساتھ تعلقات کو توسیع دینا ہبھارتی سیاست کا حصہ ہے ۔