لندن روانگی ،عمران خان اور چوہدری نثار ایک ہی پرواز میں‌سوار

لاہور(زمونگ سوات نیوز): ملک کی سیاسی قیادت آج لندن روانہ ہو رہی ہے ۔ تفصیلات کے مطابق پی ٹی آئی چئیر مین عمران خان اور وفاقی وزیر داخلہ چوہدری نثار علی خان آج ایک ہی پرواز ی کے 757 سے لندن روانہ ہوں گے۔ عمران خان اور چوہدری نثار علی خان کے مابین محض دو سیٹوں کا فاصلہ ہے۔ پی ٹی آئی ذرائع کے مطابق عمران خان کے ہمراہ علیم خان اور جہانگیر خان بھی لندن روانہ ہوں گے۔ جبکہ وزیر اعلیٰ پنجاب میاں محمد شہباز شریف کے اہل خانہ بھی اسی پرواز سے لندن روانہ ہوں گے۔ واضح رہے کہ وزیر اعظم نواز شریف علاج کی غرض سے پہلے ہی لندن میں موجود ہیں جبکہ سابق صدر آصف علی زرداری بھی لندن میں قیام پذیر ہیں۔