عالمی یوم مزدور کے موقع پر متحدہ مزدور یونین سی بی اے ٹی ایم اے مینگورہ کے زیر اہتمام احتجاجی مظاہرہ

سوات (زمونگ سوات ڈاٹ کام) عالمی یوم مزدور کے موقع پر متحدہ مزدور یونین سی بی اے ٹی ایم اے مینگورہ کے زیر اہتمام احتجاجی مظاہرہ ، نشاط چوک تک واک ، حکمرانوں سے مزدوروں کے جائز حقوق دینے کا مطالبہ ، یکم مئی 1886 کو شگا گو میں مزدوروں کے ساتھ ظلم ہوئی اور یہ دن ہر سال دنیا بھر سمیت پاکستان کے چھوٹے بڑے شہروں میں منایا جاتا ہے ، مظاہرے سے خطا ب کرتے ہوئے متحدہ مزدور یونین کے چیئرمین تحصیل کونسلر ڈاکٹر خالد محمود ، سابق صدر حاجی فضل ربی ، ڈسٹرکٹ کونسل کے ملازمین کے صوبائی صدر اقبال حسین ، بخت کرم اور صدر گل بر خان نے کہا کہ صوبائی حکومت اور صوبائی وزیر بلدیات فوری طور پر تمام تر کلاس فور مزدور وں کے مسائل حل کرے ، انہیں اوور ٹائم دینے کے ساتھ ساتھ دیگر مراعات دی جائے ، مقررین نے کہا کہ صوبائی وزیر بلدیات عنایت اللہ خان مزدوروں کی محرومیوں کا ازالہ یقینی بنائیں ، اس موقع پر ایل سی بی کے خلاف اور حکومت کے خلاف مظاہرین نے نعرے بازی بھی کی ، مظاہرین نے درجہ چہارم ، ٹیکنیکل ملازمین کو اپ گریڈ کرنے اور سروس سٹرکچر فعال بنانے کا بھی مطالبہ کیا ، مظاہرین نے کہا کہ اگر فوری طور پر مسائل حل نہ کئے گئے تو ہم راست اقدام اٹھانے پر مجبور ہوکر میونسپل سروسز واٹر سپلائی ، صفائی اور دیگر تمام شعبوں سے ہڑتال کا آغازکر کے سڑکوں پر نکلنے سے دریغ نہیں کریں گے ۔