چترال میں رنگارنگ جوشی کالاشی تہوار چلم جوشٹ فیسٹیول کا آغاز ہوگیا ملک بھر سے بڑی تعداد میں سیاح چترال پہنچ گئے

چترال ( زمونگ سوات ڈاٹ کام )ضلعی انتظامیہ چترال اور ٹورازم کارپوریشن خیبر پختونخوا کے تعاون سے چترال کے تینوں کالاش ویلیز میں بہار کی آمد پر منایا جانے والا کالاش قبیلے کا مشہور تہوار جوشی (چلم جوشٹ )کی رومات کا آغاذ ہوگیا ہے اس موقع پر کالاش قبیلے کے مذہبی پیشوا شراکٹ خاندان کے بزرگ سرامت کھان نے ڈول بجا کر جوشی فیسٹیول کا باقاعدہ طور پر اعلان کیا۔ جس کے بعد دودھ جمع کرنے کی رسم چھیر تیک کی تیاریاں شروع ہو گئی ہیں ۔ضلعی انتظامیہ کی جانب سے فیسٹیول کو شاندار طریقے سے منانے کیلئے اقدامات کئے ۔فیسٹیول کے موقع پر قبیلے کے لوگوں نے مذہبی پیشوا کی طرف سے جوشی تہوار کے با قا عدہ اعلان پر خوشی کا اظہار کیا اور ڈھول کی تھاپ پر رقص کر کے فیسٹیول کو خوش آمدید کہا۔ چلم جوشٹ فیسٹیول 16مئی تک جاری رہے گا۔