تحریک انصاف کی تبدیلی عوام کیلئے گلے کاپھندہ ہ بن کر رہ گیاہے،شیرشاہ خان

مینگورہ (زمونگ سوات ڈاٹ کام)عوامی نیشنل پارٹی ضلع سوات کے صدر اورسابق ممبر صوبائی اسمبلی شیرشاہ خان نے کہا ہے کہ تحریک انصاف کی تبدیلی عوام کیلئے گلے کاپھندہ ہ بن کر رہ گیاہے ، تبدیلی کا رٹ لگانے والوں نے عوام کو مایوسی کے سوا کچھ بھی نہیں دیا۔ عوام حکمرانوں سے بدظن ہوکر اے این پی میں شامل ہورہے ہیں لوگوں کی دھڑادھڑ شمولیتوں کے باعث عوامی نیشنل پارٹی ایک ناقابل تسخیر قوت بن گئی ہے ان خیالات کااظہار انہوں نے یوسی منگلور کے زیراہتمام گھڑئی میں حجرہ اخترحسین میں ورکرز کنونشن سے خطاب کرتے ہوئے کیا اس موقع پر تحریک انصاف سے تعلق رکھنے والے سیکڑوں افراد نے اے این پی میں باقاعدہ شمولیت کااعلان کردیا، اس موقع پر عوامی نیشنل اپرٹی کے مرکزی ایڈیشنل جنرل سیکرٹری واجدعلی خان، چیئرمین عبداللہ یوسفزئی ، اکرام خان ، خواجہ محمدخان، نواب عالم خان ، محمدپرویش شاہین اوردیگر نے بھی خطاب کیا۔ انہوں نے کہا کہ اے این پی لوگوں کی توجہ کامرکز بن چکا ہے اورعوامی نیشنل پارٹی پختونوں کی واحد نمائندہ جماعت ہے جو حقیقی معنوں میں پختونوں کی حقوق کی حصول کیلئے جدوجہد کررہی ہے ۔ انہوں نے کہا کہ پختونوں کی طرف سے سرخ پرچم تلے متحدہونا ایک بہت بڑی تبدیلی کاپیش خیمہ ثابت ہوگا۔ اس موقع پر قرارداد کے ذریعے مطالبہ کیاگیاہے وزیراعظم دورہ سوات کے موقع پر کسٹم ایکٹ کے خاتمے ، انجینئرنگ یونیورسٹی موٹروے ، سوئی گیس توسیعی منصوبہ ، اورسوات کیلئے حکومت ترقیاتی پیکج کی منظوری کابھی مطالبہ کیاگیا۔انہوں نے کہا کہ کڈنی ہسپتال کے قیام کا کریڈٹ عوامی نیشنل پارٹی کوجاتاہے اور اے این پی کے دور حکومت میں شہباز شریف نے اس وقت خیراتی دیاتھاجب سوات کے لوگ آئی ڈی پیز بن گئے تھے ، انہوں نے کہا کہ اس ہسپتال کیلئے اس وقت کے وزیراعلیٰ امیرحیدرخان ہوتی نے اراضی دینے کی منظوری دی تھی اور جس وقت اس ہسپتال کی منظوری دی گئی اس وقت امیرمقام ن لیگ میں نہیں تھے ، لیکن آج امیرمقام اس کڈنی ہسپتال کی کریڈٹ لینے کی کوشش کررہے ہیں انہوں نے کہا کہ عوامی نیشنل پارٹی نے دھرتی کیلئے قربانیاں دے کر امن کاقیام کو ممکن بنادیا۔ اورآج اگرسیاسی جماعتیں کھل کر جلسے کر رہے ہیں تو یہ اے این پی کی قربانیوں کا نتیجہ ہے ۔