وسیم اکرم میرے کیریئر کے بہترین ، مشکل ترین باؤلر تھے:اظہر الدین

حیدر آباد (زمونگ سوات آن لائن نیوز 17مئی ۔2016ء )بھارتی ٹیم کے سابق کپتان محمد اظہر الدین نے لیجنڈری پاکستانی فاسٹ باؤلر وسیم اکرم کو اپنے کیریئر کا بہترین اور مشکل ترین باؤلر قرار د ے دیا ہے ۔
ایک انٹر ویو کے دوران 53سالہ محمد اظہر الدین کا کہنا تھا کہ ان کے کیریئر میں وسیم اکرم انہیں سب سے مشکل ترین باؤلر لگتے تھے کیوں کہ ان کے پاس بہت سے ورائٹیز تھیں اور اگر آپ 100یا 150پر بھی کھیل رہے ہوں تب بھی وہ آ پ کو آؤٹ کرنے کی اہلیت رکھتے تھے اور شاید یہی ان کی سب سے بہترین صلاحیت تھی۔اظہر الدین کا مزید کہنا تھا کہ سابق ویسٹ انڈین فاسٹ باؤلر کورٹنی والش بھی ان کے کیریئر کے مشکل ترین باؤلر تھے ۔