بٹ خیلہ ، پیران میں سکول سوزوکی اور فلائنگ کے درمیان تصادم طلبہ طالبات سمیت 18 مسافر زخمی

بٹ خیلہ (زمونگ سوات ڈاٹ کام )پیران میں سکول سوزوکی اور فلائنگ کے درمیان تصادم طلبہ طالبات سمیت 18 مسافر زخمی ، زخمیوں کو ہیڈ کوارٹر ہسپتال بٹ خیلہ پہنچا دیا گیا ۔ تفصیلات کے مطابق گزشتہ روز پیران سے ایف جی سکول جانے والی سوزوکی پک اپ اور فلائنگ تصادم کے نتیجے میں سوزوکی میں سوار 10 طلبہ و طالبات افتاب، مدینہ بی بی ، مجیب شاہ، جلیل خان، حبیبہ، شاہانہ بی بی ، وحید زادہ ڈرائیور، عومہ بی بی ، مصطفیٰ ، ثناء بی بی ، اور آٹھ مسافر زبیر، مسلم خان، بخت سلطانہ ، خان زادہ، زینت بی بی ، عمر باچہ، سیراج اور عماد زخمی ہوگئے جنہیں فوری طور پر ہیڈ کوارٹر ہسپتا ل پہنچایا گیا زخمیوں کی حالت خطرے سے باہر بتائی جاتی ہے ملاکنڈ لیوی نے حادثہ کی رپورٹ درج کی ہے ۔