سنسر بورڈ نے بھارتی فلم اڑتا پنجاب کی پاکستان میں نمائش پر پابندی لگا دی

اسلام آباد(زمونگ سوات آن لائن نیوز21 جون ۔2016ء)بھارتی فلم اڑتا پنجاب کے پر کاٹ کر پنجرے میں ڈال دیا گیا۔ شائقین کرینہ کپور کے جلووں سے محروم ہو گئے۔ تفصیلات کے مطابق مرکزی فلم سنسر بورڈ نے بھارتی فلم اڑتا پنجاب کی نمائش پر پاکستان میں پابندی عائد کر دی ہے۔
فلم کے ہیرو شاہد کپور اور ہیروئن کترینہ کپور ہیں۔ عالیہ بھٹ نے بھی اس فلم میں اہم کردار ادا کیا ہے۔ ذرائع کا کہنا ہے کا فلم اڑتا پنجاب میں پابندی کا فیصلہ غیراخلاقی مواد کی وجہ سے کیا گیا۔ اڑتا پنجاب پر بھارتی سنسر بورڈ نے بھی پابندی عائد کر دی تھی تاہم بھارتی ہائیکورٹ کے حکم پر نمائش کی اجازت دیدی تھی۔