مائیکروسافٹ نے گوگل کروم کا بڑا مسئلہ مائیکروسافٹ ایج میں حل کر لیا

گوگل کروم بلاشبہ بہترین ویب براؤزر ہے مگر اس کی سب بڑی خرابی لیپ ٹاپ بیٹری کا دشمن ہونا ہے۔مائیکروسافٹ نے اسی مسئلے کو حل کر لیا ہے۔ مائیکروسافٹ نے ایک بلاگ پوسٹ میں بتایا ہے کہ نئی ونڈوز کے ساتھ آنے والا مائیکروسافٹ ایج براؤزر لیپ ٹاپ پر کروم کے مقابلے میں بیٹری لائف کو 70فیصد تک اورموزیلا فائرفاکس کے مقابلے میں 43 فیصد بڑھا دیتا ہے۔
اس سے پہلے مائیکروسافٹ نے دعویٰ کیا تھا کہ مائیکرو ایج کروم سے 112 فیصد تیز رفتار ہوگا۔
مائیکروسافٹ نے بیٹری کے حوالے سے اپنے دعوے کو ثابت کرنے کے لیے لیبارٹری کے ماحول میں سرفس بک لیپ ٹاپس پر تجربات کیے ہیں۔
ان تجربات کے دوران مائیکروسافٹ نے ایک ہی ویب سائٹس جیسے فیس بک، گوگل، یوٹیوب، ایمزون اور ویکیپیڈیا وغیرہ وزٹ کی۔ مائیکروسافٹ نے نتائج کو چارٹس کی شکل میں بھی ظاہر کیا ہے۔