جاپان کی طرف سے کھیتوں کی حفاظت کرنے والا ڈرون تیار

ٹوکیو (زمونگ سوات آن لائن نیوز) جاپان کے ذرائع ابلاغ کے مطابق ماہرین نے کھیتوں کی حفاظت کرنے والا ڈرون تیار کر لیا ہیجو عین اسی مقام پر کیڑے مار دوا چھڑکتا ہے جہاں اس کی ضرورت ہوتی ہے۔ جدید ڈرون فصل کی نگرانی میں وہ جگہیں بھی ڈھونڈ نکالتا ہے جہاں انسان کی نظرنہیں پہنچ پاتی۔ماہرین کا کہنا ہے کہ اس میں نصب تھرمل کیمرے رات کی تاریکی میں بھی فصل دشمن کیڑوں کو بھانپ کر ان کا خاتمہ کرتے ہیں۔ڈرون اپنے تھرمل کیمرہ سے اندھیرے میں 50 سے زائد مختلف کیڑے مکوڑوں کو پہنچاننے کی صلاحیت رکھتا ہے۔ تجرباتی طورپر جب اسے آلو اورسویابین کی فصلوں پرآزمایا گیا تو اس کے بہت اچھے نتائج برآمد ہوئے اور انسانی مداخلت کے بغیر فصل دشمن کیڑوں کا صفایا کیا گیا۔ماہرین کا کہنا ہے کہ اس ڈرون میں روشنی خارج کرنے والا ایک الہ بھی لٹکایا جاسکتا ہے جو کسی دوا کے بغیر خاص برق اورشعاع کو خارج کرکے کیڑوں کوایک جگہ جمع ہونے سے روکتا ہے اوریہ کام بھی عام کسان ہاتھوں سے نہیں کرسکتا۔