کبل ، علیگرامہ میں ٹریفک حادثہ تیز رفتار موٹر سائیکل سوار جاں بحق

کبل ( زمونگ سوات ڈاٹ کام ) تحصیل کبل کے علاقے علی گرامہ میں تیز رفتار موٹر سائیکل اور کار میں تصادم سے موٹر سائیکل سوار جاں بحق اور ان کا ساتھی شدید زخمی ہوگیا ، پولیس کے مطابق علی گرامہ میں مینگورہ جانے والی موٹر سائیکل تیز رفتاری کے باعث آگے جانے والی کار سے ٹکراگئی جس کے نتیجے میں موٹر سائیکل سوار فضل مالک ولد فضل ربی سکنہ ملوک آباد موقع پر جاں بحق اور ساتھی جنید زخمی ہوگیا جن کو طبی امداد کے لئے کبل اسپتال منتقل کردیا گیا ہے ، پولیس نے ابتدائی رپورٹ درج کر لی ہے ۔