مینگورہ ، بت کڑہ میں بد بخت بیٹے نے فائرنگ کرکے والدکو قتل اور بھائی کو زخمی کردیا

سوات ( زمونگ سوات ڈاٹ کام) سیدو شریف کے علاقہ بد کڑہ میں بدبخت اور ناخلف بیٹے نے فائرنگ کرکے اپنے والد کو قتل جبکہ بھائی کو زخمی کردیا ، پولیس کے مطابق ملزم ذیشان اکبر نے والد سے تکرار کے بعد جھگڑے پر طیش میں آکر اپنے باپ محمد اکبر اور بھائی کامران پر فائر کھول دیا ، فائرنگ کے نتیجے میں دونوں باپ بیٹا زخمی ہوگئے جنہیں فوری طبی امداد کیلئے سیدو شریف ہسپتال منتقل کردیا گیا ، تاہم وہاں باپ محمد اکبر زخموں کی تاب نہ لہاتے ہوئے چل بسا اور بھائی کامران کو طبی امداد دی جارہی ہے ، ملزم جائے واردات سے فرا ر ہونے میں کامیاب ہوگیا ہے ، سیدو شریف پولیس نے مقدمہ درج کرکے تلاش شروع کردی ہے ۔