عمران خان کی تیسری شادی کی وڈیو منظر عام پر‘ سوشل میڈیا پر ہلچل مچ گئی

اسلام آباد(زمونگ سوات ڈاٹ کام )پاکستان تحریک انصاف کے چیئرمین عمران خان کی تیسری شادی کا عندیہ ملنے کے بعد لندن میں ان کے تیسرے نکاح ہونے کا دعویٰ بھی سامنے آگیا جس کے بعد حاضری کی مبینہ فوٹیج بھی منظر عام پر آ گئی۔ عمران خان کی تیسری شادی کی مبینہ فوٹیج نے سوشل میڈیا پر ہلچل مچا دی ہے۔نجی ٹی وی رپورٹ کے مطابق عمران خان کی نئی دلہن کا تعلق مانیکا فیملی سے ہے۔ اس خبر پر ابتدائی طورپر عمران خان کے بچوں کا موقف معلوم نہیں ہوسکا تاہم ذرائع کا کہناہے کہ ان کی بہنیں اس سے خوش نہیں۔
اس سے قبل تیسری شادی کے حوالے سے عمران خان کا کہنا تھاکہ ہار ماننا میرے خون میں شامل نہیں ہے۔ عمران خان اس بار ایک بار پھر پرامید دکھائی دیتے ہیں کہ ان کے یہ شادی کامیاب ہو گی ، یاد رہے کہ کچھ عرصہ پہلے کپتان میڈیا کے سامنے آئے تو انگلی میں انگوٹھی نے کئی سوال اٹھائے مگر کپتان سب کچھ گول مول کر کے کچھ کچھ نمایاں کر گئے۔ دوسری طرف ترجمان پی ٹی آئی نعیم الحق کا کہنا ہے کہ عمران خان کی تیسری شادی کی خبریں بے بنیاد ہیں۔واضح رہے کہ عمران خان نے دوسری شادی معروف ٹی وی اینکر ریحام خان سے کی تھی جو ناکام ہو گئی تھی ، اور مختلف وجوہات کی بنا پر دونوں میں علیحدگی ہو گئی ، جبکہ عمران خان کی پہلی شادی جمائما خان سے ہوئی تھی جن میں سے ان کے دو بچے بھی ہیں۔ یہ شادی بھی 9 سال بعد طلاق پر ختم ہو گئی۔ذرائع کے مطابق عمران خان نے اپنی تیسری شادی کے حوالے سے تمام تر ذمہ داری اپنی بہنوں کو سونپ رکھی ہے۔