سخرہ ، شادی شدہ خاتون کی ذبح شدہ لاش جنگل سے برآمد

سوات ( زمونگ سوات ڈاٹ کام ) سوات کے علاقے سخرہ میں شادی شدہ خاتون کو ذبح کرکے قتل کردیا گیا ، لاش گھر کے قریبی جنگل سے ملی ہے ، پولیس نے لاش کو قبضے میں لیکر پوسٹ مارٹم کے لئے منتقل کرنے کے بعد مقدمہ درج کر لیا ، پولیس کے مطابق گزشتہ رات نامعلوم افراد نے سخرہ کے علاقہ کولتے میں ایک شادہ شدہ لڑکی مسماۃ (ط) زوجہ عمر زادہ کو انتہائی بے دردی سے قتل کرکے گلا بھی کاٹ ڈالا اور لاش کو قریبی جنگل میں پھینک دیا ، مقتولہ کا شوہر چار ماہ قبل ہی محنت مزدوری کرنے کی غرض سے سعودی عرب چلا گیا تھا ، مقامی پولیس اطلاع ملتی ہی موقع پر پہنچ گئی اور لاش کو پوسٹ مارٹم کیلئے اسپتال لاکر بعد میں ورثا کے حوالہ کردیا گیا ، کالاکوٹ پولیس نے نامعلوم ملزمان کے خلاف مقدمہ درج کرکے تفتیش شروع کردی ہے ۔