پشاور،ایک بار پھر افغان مہاجرین کیخلاف بڑا قدم اُٹھالیاگیا

پشاور(زمونگ سوات آن لائن نیوز)پشاورپولیس نے شہر کے مختلف علاقوں میں سرچ آپریشن کے دوران قتل اقدا م قتل ،اغوائیگی ودیگر سنگین مقدمات میں مطلوب 16 اشتہاری مجرمان ،311افغان مہاجرین، سینکڑوں جرائم پیشہ افراداور منشیات فروشوں کو گرفتار کرکے انکے قبضے سے بھاری مقدار میں اسلحہ ایمونیشن اور منشیات برآمد کئے گئے۔ ایس ایس پی آپریشز پشاور عباس مجید خان مروت کی خصوصی ہدایات پر پشاور پولیس نے 10دنوں میں اندرون شہر ،کینٹ اور رورل ڈویژنز میں تینوں ایس پیز کی نگرانی میں متعلقہ ایس ڈی پی اوز، ایس ایچ اوز بی ڈی یو، وی وی ایس،آئی وی ایس، سی ار وی ایس ،سنیپر ڈاگ لیڈیز پولیس اور دیگر لوکل پولیس ٹیموں نے مختلف تھانہ جات کی حدود میں اشتہاری مجرمان ،افغان مہاجرین ، منشیات فروشوں اورجرائم پیشہ افراد کے خلاف کریک ڈاؤن کرتے ہوئے ان کاروائیوں کے دوران قتل اقدا م قتل، اغوائیگی ودیگر سنگین مقدمات میں مطلوب16اشتہاری مجرمان ،311افغان مہاجرین،سینکڑوں جرائم پیشہ افراداور منشیات فروشوں کو گرفتار کرکے ان کے قبضے سے15عدد کلاشنکوف،114 عدد پستول،دو عدد کالا کوف،دو عدد رائفل،3 عدد شاٹ گن،ایک ڈیٹو نیٹر،6 پرائمہ کارڈ،8 عدد فیوز بوسٹر،5کلو بارودی مواد،6675 عدد کارتوس 76 کلو گرام چرس ،ہیروئن 500 گرام اور 60 بوتل شراب برآمد کیے گئے گرفتار ملزمان کے خلاف مختلف مقدمات درج کرکے چالان عدالت کرچکے ہیں ۔