سوات کے حالات پر بننے والی فلم 22جولائی کو سنیما گھروں میں ریلیز کی جائے گی

سوات ( زمونگ سوات ڈاٹ کام ) سوات میں دہشت گردی ، لاکھوں لوگوں کی نقل مکانی ، فوجی آپریشن اور بعد میں امن پر بننے والی جمال شاہ کی فلم ’’ریونج آف دی ورتھ لیس ‘‘بائیس جولائی کو ملک کے سنیما گھروں میں ریلی ز کی جائے گی ۔ ’’Revenge Of The Worthless‘‘فلم معروف اداکار جمال شاہ کے ہنر کدہ کی پروڈکشن ہے ، اس فلم میں جمال شاہ ، فردوس جمال ، ایوب کھوسہ ، مائرہ خان ، طارق جمال ، نجیب اللہ انجم ، افتخار قیصر ، ارشد حسین ، عمران ترین اور ترکی کی اداکارہ ایمل کر کورس کے علاوہ دیگر پاکستانی ادکاروں نے بھی کام کیا ہے ، فلم میں جمال شاہ نے سوات کے ایک خان کا کردار ادا کیا ہے جو شدت پسند کے خلاف لڑتا ہے ، فلم میں ملالہ یوسفزئی اور ان کے والد ضیاء الدین کا کردار بھی مقامی اداکاروں نے کیا ہے ، فردوس جمال نے فلم میں مولانا صوف محمد اور ایوب کھوسہ نے فضل اللہ کا کردار ادا کیا ہے ، اس فلم میں سوات میں شدت پسندوں کی آمد اور ان کی جانب سے طالبان مخالف لوگوں کو قتل کرتے ، سکولوں اور دیگر عمارتوں کو بموں سے تباہ کرنے ، خواتین کو تعلیم سے منع کرنے اور شدت پسندوں کے خلاف آواز اٹھانے والے لوگوں کے کردار کو بھی شامل کیا گیا ہے ، فلم میں حکومت کی جانب سے فوجی آپریشن کے علاوہ اور اس کے بعد فوجی آپریشن کے اعلان اور اس کے بعد فوجی آپریشن کے مناظر کو بھی عکس بند کیا گیا ہے ، اس فلم میں مینگورہ کے گرین چوک المعروف ’’خونہ چوک ‘‘میں بے دردی قتل کی جانے والے مقامی رقاصہ شبانہ کے کردار کو بھی فلما یا گیا ہے ۔