ساؤ باؤلو(زمونگ سوات آن لائن نیوز ) برازیل کی ریاست امیزونا کے وفاقی پراسیکوٹر کا کہنا ہے کہ عدالت نے سماجی رابطوں کی ویب سائٹ فیس بک کے اکاؤنٹ میں موجود 7.11ملین ڈالرز کی رقم منجمد کر دی ہے کیونکہ ویب سائٹ انتظامیہ نے حکومت کو واٹس ایپ میسجنگ سروس استعمال کرنیوالے ایسے افراد کا ڈیٹا فراہم نہیں کیا جن کیخلاف ضابطہ فوجداری کے تحت تحقیقات کی جارہی ہیں۔ پراسیکوٹر آفس کی جانب سے منجمد کیے گئے فنڈز کو جرمانے کی مد میں استعمال کیا جائے گا۔ اس صورتحال پر تبصرے کیلئے فیس بک انتظامیہ کا نمائندہ دسیتاب نہیں ہو سکتا۔ حالیہ فیصلے میں ، عدالت نے فیس بک کے وکیل کے اس موقف کو مسترد کر دیا تھا کہ ڈیٹا کی فراہمی امریکا اور آئرلینڈ میں ٹیلی فون اور انٹرنیٹ سروس فراہم کرنے والے کی ذمہ داری ہے جس کے حصول کیلئے بین الاقوامی تعاون کی ضرورت ہو گی ۔ پراسیکوٹر ایلگز ینڈر جابور کا کہنا ہے کہ فیس بک نے احکامات کی تعمیل کے معاملے میں برازیلین اداروں بالخصوص عدالتوں کیلئے احترام کا مظاہرہ نہیں کیا ۔ واضح رہے کہ برازیل میں گزشتہ سال دسمبر سے واٹس ایپ سروس پر پابندی عائد کی جا چکی ہے۔
Discussion about this post