سسر کی فائرنگ سے زخمی بہو زندگی کی بازی ہار گئی

سوات ( زمونگ سوات ڈاٹ کام ) گزشتہ روز سسر کی فائرنگ سے شدید زخمی ہونے والی بہو ہسپتال میں زخمیوں کی تاب نہ لا کر جاں بحق ہوگئی ، ملزم جانان نے گزشتہ روز اپنی بہو مسماۃ ( ت ) پر گھر کے اندر فائرنگ کی تھی جس سے وہ شدید زخمی ہوگئی تھی ، زخمی خاتون سیدو شریف ہسپتال میں زخموں کی تاب نہ لاکر چل بسی ، کبل پولیس کے مطابق ملزم جانان کو گرفتار کیا گیا ہے ، ملزم نے ابتدائی بیان میں بتا یا ہے کہ مقتولہ کا شوہر محنت مزدوری کی غرض سے دبئی میں مقیم ہے اور مقتولہ اکثر اوقات بغیر اجازت گھر سے نکلتی تھی ، بار بار منع کرنے کے باوجود باز نہ آئی تو میں نے ان پر فائرنگ کی ۔