پی ٹی آئی کی سیاست کا بنیادی مقصد غریب عوام کی زندگیوں میں خوشحالی لانا ہے، محمود خان

سوات( زمونگ سوات ڈاٹ کام )صوبہ خیبر پختونخوا کے وزیر کھیل‘ثقافت‘میوزیم اور امور نوجوانان محمود خان نے کہا ہے کہ پاکستان تحریک انصاف کی سیاست کا بنیادی مقصد غریب عوام کی زندگیوں میں خوشحالی لانا ہے۔یہی وجہ ہے کہ صوبائی حکومت وزیر اعلیٰ خیبر پختونخواہ پرویز خٹک کے قیادت میں دور دراز علاقوں ترقی سے ہمکنار کرنے غریب اور محروم طبقوں کی مسائل حل کرنے اور معاشرے میں انصاف کا بول بالا کرنے پر خصوصی توجہ دے رہی ہے۔اور انہی عوام دوست پالیسیوں کے باعث آج دوسری سیاسی جماعتوں کے عہدیداران وکارکنان جوق درجوق پی ٹی آئی میں شمولیت اختیار کررہی ہے۔ان خیالات کا ظہار انہوں نے پی کے 84مٹہ سوات یونین کونسل چپریال کاٹیلئی میں ایک شمولیتی اجتماع سے خطاب کرتے ہوئے کیا۔اس موقع پر جماعت اسلامی اور قومی وطن پارٹی کے ممتاز شخصیات محمد رحیم کسان کونسلر‘میاں جہان ذادہ ‘سید محمد‘انور سعید‘عبد اللہ‘اشرف‘میاں فضل رحیم‘سید علی شاہ باچا اور لعل ذادہ نے اپنے خاندانوں سمیت سینکڑوں ساتھیوں کے ہمراہ اپنے اپنے سیاسی پارٹی سے مستعفی ہوکر پی ٹی آئی میں شمولیت کا اعلان کیا۔ان شخصیات کی شمولیت سے تحصیل مٹہ میں دوسرے سیاسی جماعتوں کو سخت جھٹکا لگا اور پی ٹی آئی ایک مظبوط قوت بن گئی۔محمود خان نے پی ٹی آئی میں شمولیت کرنے والوں کو مبارکباد دیتے ہوئے کہا کہ پی ٹی آئی میں سب لوگ برابر ہیں اور اب وہ دور ختم ہوچکا ہے کہ خان خوانین غریب لوگوں کو اپنے غلام سمجھتے تھے۔اب لوگ آذاد ہیں اور اپنے فیصلے خود کرتے ہیں۔انہوں نے واضح کیا کہ سیاست کی آ ڑ میں خانزم نہیں چلنے دیں گے۔محمود خان نے کہا کہ صوبے میں سب سے بڑی تبدیلی یہ آئی ہے کہ اب کسی کو ایزی لوڈ نہیں ہوتا‘نوکریاں نہیں بکتی اور نہ ہی اپنوں کو نوازا جاتا ہے بلکہ تحریک انصاف میں خود غرضوں اور مفاد پرستوں کی سیاست کو ہمیشہ کیلئے دفن کردیا ہے۔اب لوگوں کی کام پیسوں اور سفارشوں کی بل بوتے پر نہیں بلکہ شفاف نظام اور میرٹ کے پالیسی کے تحت ہوتے ہیں۔محمود خان کا کہنا تھا کہ ہم پاکستان تحریک انصاف کے نعرہ’’انصاف عام ‘‘احتساب سرعام اور طاقت میں عوام کو عملی جامہ پہنانے کیلئے کوشاں ہیں اور ہر حقدار کو اس کا حق دلاکر رہیں گے اور بھرتیوں کیلئے این ٹی ایس اور ایٹا ٹسٹ جبکہ ٹھیکوں کیلئے ای ٹینڈرنگ کا نظام متعارف کراکر اس کا عملی مظاہرہ کرچکی ہے اور آج اللہ تعالیٰ کے فضل وکرم سے ہر جگہ میرٹ کا بول بالا ہے۔بعد ازاں صوبائی وزیر محمود خان نے موضوع سخرہ میں بھی ایک شمولیتی تقریب سے خطاب کیا۔تقریب کے دوران عوامی نیشنل پارٹی کے ممتاز شخصیات حسن گل‘جان محمد‘عالم‘یاسر خان‘محمد گل اور احمد نے اپنے اپنے خاندانوں اور سینکڑوں ساتھیوں کے ہمراہ عوامی نیشنل پارٹی سے مستعفی ہوکر پی ٹی آئی میں شمولیت کا اعلان کیا۔