سورن سنگھ کے قتل الزام میں گرفتار ملزم کی درخواست ضمانت مسترد

سوات ( زمونگ سوات ڈاٹ کام ) پشاور ہائی کورٹ مینگورہ بینچ نے وزیر اعلیٰ خیبرپختونخواہ کے آنجہانی مشیر سردار سورن سنگھ کے قتل کے الزام میں گرفتار ملزم بلدیو کمار کی ضمانت کی درخواست مسترد کردی ، بلدیو کمار نے ہائی کورٹ میں ضمانت کے لئے درخواست دی تھی جس پر گزشتہ روز سنگل بنچ جسٹس اکرام اللہ خان کی عدالت میں سماعت ہوئی ، ملزم کی جانب سے ان کے وکیل میاں فہیم اکبر اور مقتول سردار سورن سنگھ کی جانب سے ایڈیشنل ایڈووکیٹ جنرل صابر شاہ اور رشید علی ایڈووکیٹ نے دلائل دیں ، اس کے بعد عدالت کے جج نے فیصلہ سناتے ہوئے بلدیو کمار کی ضمانت کی درخواست مسترد کردی ۔