اسلام آباد(زمونگ سوات ڈاٹ کام) جماعت اہلسنت پاکستان کی جانب سے بھارت کی اسلام دشمنی اور پاکستان پر جارحیت کے اقدامات کرنے کا دعویٰ کرنے پر فتویٰ جاری کیا گیا ہے کہ بھارت کے خلاف جہاد فرض ہو گیا ہے ۔ا س سلسلے میں باقاعدہ فتویٰ بھی جاری کر دیا گیا ہے جس میں درج کیا گیا ہے کہ بھارت کی جانب سے ظلم و ستم کی تمام حدیں عبور کر لی گئی ہیں کشمیر مین مظلوم مائیں اور بہنیں پکار رہی ہیں اور معصوم کشمیریوں کی آزادی صرف جہاد سے ہی ممکن ہے ۔ پاکستانی عوام کو چاہئے کہ بھارت کے خلاف باقاعدہ جہاد کا آغاذ کر دیں کیونکہ موجودہ حالات میں بھارت کے خلاف جہاد فرض ہو گیا ہے ۔ فتوے میں مزید کہا گیا ہے کہ پاکستانی عوام بھارتی مصنوعات، فلموں اور گانوںکا مکمل بائیکاٹ کر دیں جبکہ حکومت ان پر پابندی لگا کر ملک کے نوجوانوں کی عسکری تربیت کر کےانہیں کشمیر میں جہاد کے لئے بھیجیں ۔
جماعت اہلسنّت پاکستان کے پریس ریلیز کے مطابق جماعت اہلسنّت پاکستان کے مرکزی امیر صاحبزادہ سید مظہر سعید کاظمی اور مرکز ی ناظم اعلی علامہ سید ریاض حسین شاہ کی اپیل پر جماعت اہلسنّت سے وابستہ 100علماء اورمفتیوں نے میڈیا کو جار ی کئے گئے اپنے اجتماعی فتویٰ میں کہا ہے کہ اسلام اور پاکستان کے دشمن بھارت کے خلاف جہاد فرض ہو چکا ہے۔حکومت بھارت کے خلاف جہاد کا اعلان کرے کیونکہ بھارت کی اسلام اور پاکستان دشمنی کھل کر سامنے آچکی ہے اور بھارت نے پاکستان کے خلاف غیر اعلانیہ جنگ شروع کررکھی ہے۔ بھارتی افواج کشمیری مسلمانوں کا قتل عام کررہی ہیں۔
فتوے میں مزید کہا گیا ہے کہ کیونکہ بھارت پاکستان پر حملے کی تیاریاں کر رہا ہے ایسی صورت میں اپنے دفاع کے غرض سے مسلمانوں پر جہاد فرض ہو جاتا ہے ۔ فتوے میں اس جہاد کو جہاد ہند کا نام دیا گیا ہے اور عوام سے کہا گیا ہے کہ غزوہ ہند کے لئے تیار ہو جائیں ۔ فتوے میں غزوہ ہند کی اہمیت بیان کرتے ہوئے اس کی فضیلت کے احادیث میں وارد ہونے کا حوالہ بھی دیا گیا ہے ۔فتوے میں مزید کہا گیا ہے کہ اسلام مسلمان ریاست کی حفاظت اور دفاع کے ساتھ ساتھ اس میں بسنے والوں کی جان و مال کی حفاظت بھی لازمی قرار دیتا ہے ۔ بھارت نے کشمیریوں کے خلاف ظلم و ستم کی تمام حدیں پار کر چکا ہے کشمیر میں مسلمان مائیں اور بیٹیاں مدد کو پکار رہی ہیں لہذا اسلامی ریاست کو باقاعدہ طور پر بھارت کے خلاف جہاد کا آغاذ کر دینا چاہئے ۔
- Latest
Discussion about this post