ملم جبہ ، لڑکیوں کا سکول جلانے والا مبینہ شدت پسند آٹھ سال بعد گرفتار

سوات ( زمونگ سوات ڈاٹ کام ) سوات میں سی ٹی ڈی نے کارروائی کرتے ہوئے ملم جبہ میں لڑکیوں کا سکول جلانے والے مبینہ شدت پسند کو 8سال بعد گرفتار کر لیا ، ترجمان سی ٹی ڈی کے مطابق کارروائی علاقہ منگلور میں خفیہ اطلاع پر کی گئی جہاں پر سی ٹی ڈی کی ٹیم نے مبینہ شدت پسند شاہ رضا ولد بخت روخان سکنہ سالنڈہ کو گرفتار کر لیا ، ترجمان کے مطابق ملزم پر 2008میں ملم جبہ میں لڑکیوں کا سکول جلانے کا الزام ہے ، گرفتاری کے بعد ملزم کو تفتیش کے لئے نامعلوم مقام پر منتقل کردیا گیا ۔