تمام مسئلوں کا حل ہمارے پاس، پیپلزپارٹی نے حکومت کو بڑی پیشکش کردی

اسلام آباد (زمونگ سوات ڈاٹ‌کام) حکومت بحران سے نکلنے کیلئے پیپلز پارٹی کے چار مطالبے تسلیم کر لے،قومی اسمبلی میں اپوزیشن لیڈر خورشید شاہ نے پاکستان تحریک انصاف کے سربراہ عمران خان کو شدید تنقید کا نشانہ بناتے ہوئے کہا ہے کہ جو گرجتے ہیں وہ برستے نہیں،عمران خان نے بھاگنے کیلئے پش اپس لگائے ٗکارکن لاٹھیاں کھانے رہے عمران خان کمرے سے بھی باہر نہیں نکلے ٗحکومت بحران سے نکلنے کیلئے پیپلز پارٹی کے چار مطالبے تسلیم کر لے ۔پارلیمنٹ میں صحافیوں سے غیر رسمی بات چیت کرتے ہوئے خورشید شاہ نے عمران خان نے ایک بار پھر وزیراعظم کو مضبوط کیا ٗپی ٹی آئی کی ناکامی پاکستان کے سیاسی ورکرکی ناکامی ہے ٗکارکن لاٹھیاں کھاتے رہے مگر عمران باہر نہیں آئے۔انہوں نے کہاکہ لاٹھیاں پیپلزپارٹی کے کارکن ہی کھاسکتے ہیں کیونکہ سیاست میں لیڈر ہمیشہ آگے ہوتے ہیں ، بے نظیر کبھی جیل کی زمین پر سوئی اور کبھی لیاقت باغ میں گولی کھاتے ملیں گی۔ پیپلز پارٹی کے رہنما نے کہاکہ عمران خان ہماری سیاست میں پورس کا وہ ہاتھی ہے جو اپنی ہی فوجوں کو کچل کر دشمن کی فتح کی راہ ہموار کرتا ہے، انہوں نے ہمیشہ نوازشریف کی سیاست کو مضبوط کیا ہے۔ انہوں نے کہا کہ عمران خان اپنے کارکنوں کو دھرنوں اور احتجاج میں استعمال کرتے ہیں اور اس بار انہیں کے پی کے سے حسب توقع مدد نہیں ملی، عمران خان نے فیس سیونگ کیلئے سپریم کورٹ کا سہارا لیا اور اگر وہ پہلے ہی روز سپریم کورٹ کے اقدام پہ نکلتے تو اچھا ہوتا۔اپوزیشن لیڈر نے نصرت بھٹو اور بی بی شہید کی جدوجہد کا حوالہ دیتے ہوئے وزیراعظم سے بلاول بھٹو زر داری کے مطالبات ماننے کا مطالبہ کیا ۔سید خورشید شاہ کا کہنا تھا کہ سیاسی کارکن کی مایوسی خطرناک ہوتی ہے ٗ دھرنے کیلئے چندہ دینے والے پیسے واپس مانگ رہے ہیں ،عمران خان کی بات اب کوئی نہیں سنے گا ۔