قومی وطن پارٹی پختون قوم کے مسائل کے حل اور حقوق کے حصول کیلئے ہر سطح پر آوازبلند کررہی ہے

مینگورہ( زمونگ سوات ڈاٹ کام)قومی وطن پارٹی کے زونل چیئرمین فضل رحمان نونو نے کہاہے کہ ان کی پارٹی پختون قوم کے مسائل کے حل اور حقوق کے حصول کیلئے ہر سطح پر آوازبلند کررہی ہے ،سی پیک میں خیبرپختونخواکے ساتھ زیادتی ہر گزبرداشت نہیں کریں گے ،مرکزی حکومت برابری کی بنیاد پر صوبوں کو ان کے جائز حقوق دے،ان خیالات کا اظہار انہوں نے گذشتہ روز یونین کونسل رحیم آبادکے علاقہ رحمان آباد میں شیرزادہ خان کی صدارت میں منعقدہ اجلاس سے خطاب کرتے ہوئے کیاجس سے شاہی دوران خان ،دوست محمد خان اورپارٹی کے دیگر قائدین نے بھی خطاب کیا،مقررین نے کہاکہ پارٹی کارکن رابطہ عوام مہم میں تیزی لائیں اور سیاسی لوگوں کے ساتھ ساتھ عام لوگوں کو بھی پارٹی میں شمولیت کی دعوت دیں،انہوں نے کہاکہ موجودہ دور میں قومی وطن پارٹی واحد سیاسی جماعت ہے جو پختون قوم کے مسائل کے حل کیلئے عملی جدوجہد کررہی ہے،اس موقع پر پانچ رکنی رابطہ کمیٹی بھی تشکیل دی گئی جو یونین کونسلوں کی سطح پر عوام کے ساتھ رابطہ کرے گی۔