ٹرمپ کی جیت پرپاکستان کی اہم مذہبی جماعت جماعت اسلامی نے بھی مبارکبادیدی،سیاسی حلقے حیران

لاہور(زمونگ سوات آن لائن نیوز) امیر جماعت اسلامی سراج الحق نے ڈونلڈٹرمپ کی کامیابی پر کہاہے کہ امریکہ اور اس کے عوام کو نیا 45 واں صدر مبارک ہو۔ ہم امید رکھتے ہیں کہ ڈونلڈ ٹرمپ الیکشن جیتنے کے بعد اپنی قومی و بین الاقوامی ذمہ داریوں کے سبب اپنی فکر میں تبدیلی پیدا کریں گے اور ایک ذمہ دار امریکی صدر ہونے کا ثبوت دیں گے ۔
اگرچہ انہوں نے اپنی انتخابی مہم میں تیسری دنیا ، خاص طور پر مسلمانوں کے بارے میں جن خیالات کااظہار کیا اور صدر بننے کے بعد جس عزم کو دوہرایا ہے ، اس کے پیش نظر اسلامی ممالک لمحہ موجود میں اتحاد و یکجہتی کے ذریعے اسلام اور مسلمانوں کا تحفظ کر سکتے ہیں اور اگر مسلم حکومتوں اور عوام نے خود انحصاری اور باہمی اتحاد کی حکمت عملی نہ اپنائی توہماری آزمائشیں پہلے سے زیادہ بڑھ جائیں گی ۔