ضمنی انتخابات کرائے جائیں ، صوبائی حکومت عوام سے ناقص کار کردگی پر معافی مانگیں ، انجینئر امیر مقام

بٹ خیلہ ( زمونگ سوات ڈاٹ کام) وزیراعظم کے مشیرانجینئرامیرمقام نے کہاکہ PTIکے پارلیمنٹرین اسمبلی میں خیبرپختونخواکے عوام کا مینڈیٹ واپس کردیں اورضمنی انتخابات کرائے جائیں اورخیبرپختونخواکے عوام سے ناقص کارکردگی پرمعافی مانگیں۔انہوں نے کہاکہ انشاء اللہ اپنی کارکردگی اوروزیروعظم کے وژن مطابق2018کے عام انتخابات کے بعدخیبرپختونخوامیںPML-Nکی حکومت ہوگی۔انہوں نے کہاکہ عوام کوریلیف دینااورہمارانصب العین ہے ملکی ترقی اورمعیشت کااستحکام ہماراایجنڈاہے،عمران خان کاوزارت عظمیٰ کاخواب ہمیشہ خواب ہی رہیگا،عمران خان کے دانست تبدیلی صرف کاغذوں میں ہوتی ہے وہ عملی تبدیلی کے عشروعشیر سے ناواقف ہیں۔ان خیالات کااظہارانہوں نے بٹ خیلہ 50کروڑ روپے کی لاگت سے132-KVAگرڈسٹیشن اورتوتاکان سب ڈویژن کے باقاعدہ افتتاح کے موقع پرایک پروقار جلسہ عام سے خطاب کرتے ہوئے کیا۔اس موقع پرانہوں نے پیسکوسب ڈویژن اورسوئی گیس سب آفس کی منظوری کابھی اعلان کیا۔
انجینئرامیرمقام نے کہاکہ اچھاہواکہ پرویزخٹک نے عینک پہن کرصوبے میں اقتصادی راہداری کے منصوبے کااعتراف کرلیا، اللہ تعالیٰ پرویزخٹک صاحب کواپنے بیان پرقائم رکھیں۔انہوں نے آرمی چیف جنرل راحیل شریف کوخراج تحسین اورقمرجاویدباجواہ کونیاآرمی چیف مقررکرنے پرمبارکبادپیش کرتے ہوئے کہاکہ دہشت گردی کے خاتمے اورامن امان کے قیام کیلئے راحیل شریف کی خدمات پاکستان کی تاریخ میں انمٹ نقوش کی حیثیت رکھتی ہے۔انہوں نے کہاکہ خیبرپختونخواکے عوام نے عمران خان کووزیراعظم ہاؤس تک پہنچنے کی سیڑھی فراہم کی تھی مگروہ صوبے کے عوام کے توقعات پربھی پورانہ اترسکے اوریہ موقع ہاتھ گنوادیا۔انہوں نے کہاکہ ہم عملی کام پریقین رکھتے ہیں،بٹ خیلہ کے عوام کادیرینہ مطالبہ پوراہونے پرانہیں مبارکباد دیتاہوں،پچھلے دوراقتدارمیں بھی ملاکنڈایجنسی میں ان گنت ترقیاتی کام کئے تھے جو ملاکنڈایجنسی کے عوام کاحق تھا۔انہوں نے کہاکہ سوئی گیس اوربجلی کے مدمیںآئندہ بھی کوشش کروں گاکہ جن یونین کونسلزمیں سوئی گیس عدم دستیاب ہے وہاں سوئی گیس کی فراہمی کویقینی بنائینگے۔انہوں نے کہاکہ امیدرکھتاہوں کہ ملاکنڈکے عوام2018کے عام انتخابات میںPML-Nکوبھاری اکثریت سے کامیاب کرائینگے۔جلسہ عام سے ملک جہانزیب،قیموس خان،ایصال خان،سجادخان،گل زمان اوردیگرمقررین نے بھی خطاب کیا۔