عمران خان اور وزیراعلیٰ پرویز خٹک نے کالام میں پن بجلی کے منصوبے کا سنگ بنیاد رکھ دیا

سوات (زمونگ سوات ڈاٹ کام) عمران خان اور وزیراعلیٰ پرویز خٹک نے کالام میں پن بجلی کے منصوبے کا سنگ بنیاد رکھ دیا،84میگاواٹ پن بجلی کا یہ منصوبہ 4سال میں مکمل ہوگا جس پر 12ارب لاگت آئے گی ،افتتاح کے بعد تقریب سے خطاب کرتے ہوئے وزیراعلیٰ پرویز خٹک نے خطاب کرتے ہوئے کہا کہ یہ صوبے کا سب سے بڑا منصوبہ ہے ، صوبے میں چھوٹے بجلی گھر بنا کر عوام کے حوالے کرینگے اور سستے بجلی فراہم کرینگے ، انہوں نے کہا کہ صوبائی حکومت انرجی کے کاموں پر توجہ دی رہی ہے اس موقع پر وزیراعلیٰ نے 600میگاواٹ کے اور پراجیکٹ کا بھی اعلان کیا ،وزیراعلیٰ پرویز خٹک نے اپنی خطاب میں وعدہ کرتے ہوئے کہا کہ کالام کے انفراسٹرکچر کیلئے 50کروڑ روپے منظور کیئے ہیں جس پر مارچ سے کام شروع ہوجائیگا اور 50 کروڑ روپے اور بھی شامل کرینگے ، انہوں نے کہا کہ کالام سے مہوڈنڈ تک روڈ پر مارچ کے بعد کام شروع ہوگا ،پولیس کو با اختیار بنارہے ہیں اور کسی قسم کی رشوت قبول نہیں کی جائیگی ۔ ہم صوبے میں صحت کا انصاف کے تحت انصاف کارڈ لارہے ہیں جس کے ذریعے لوگ اپنی کارڈ سے 3لاکھ روپے کا علاج کرینگے ۔ تقریب سے صوبائی وزیر برائے تعلیم عاطف خان نے خطاب کرتے ہوئے کہا کہ کالام میں تباہ ہونے والے سکولوں کو جلد سے جلد دوبارہ بحال کیا جائے گا میں 45ہزار اوراساتذہ بھرتی کررہے ہیں ،ہم اپنے ترجیحات میں تعلیم پر خصوصی توجہ دے رہے ہیں،تقریب سے تحریک انصاف کے چیئرمین عمران خان نے بھی خطاب کرتے ہوئے کہا کہ کالام میں 84میگاواٹ کا پروگرام شروع کررہے ہیں ، اتنا بڑا پروجیکٹ کسی صوبائی حکومت نے شروع نہیں کیا جب کہ 72سر مایہ کاروں نے خیبرپختونخواہ میں 6پاور پروجیکٹ کیلئے بڈنگ کی ہے ، 150 پن بجلی گھر بنالیے ہیں اگلے سال تک مزید بنائیں گے اور 10 لاکھ لوگوں کو بجلی فراہم کریں گے ، خیبرپختونخواہ میں شروع ہونے والے منصوبوں سے صوبے میں انقلاب آئے گااور صوبے کے ہسپتال پورے ملک کیلئے مثال بنیں گے ، خیبرپختونخواہ میں 34ہزار بچے نجی سے سرکاری سکولوں میں گئے ہیں ۔ ان کا کہنا تھا کہ کرپشن کے خلاف احتجاج ہمارا حق تھا اور جب بھی اقتدار میں آئے 90 روز میں بڑی کرپشن ختم کردیں گے کیونکہ کرپشن معاشرے کا کینسر ہے جو ملک کوتباہ کررہی ہے، کرپشن کے باعث کوئی سرمایہ کار پاکستان نہیں آتا جب کہ حکومت ایماندار ہو تو سرمایہ کاری آئے گی لیکن نون لیگ صرف اشتہاروں میں ترقی کررہی ہے۔عمران خان نے کہا کہ پانامہ میں اربوں روپے کے اثاثے ہیں لیکن ان کو کوئی نہیں پکڑتا لیکن اگر غریب چھوٹی سی چوری کرے تو اس کو جیل میں ڈال دیا جاتا ہے، یہ ظلم کا نظام ہے اس سے قومیں تباہ ہوئیں لہذا ہم نے قانون بنانا ہے تاکہ بڑے بڑے ڈاکوؤں کو پکڑ کر جیل میں ڈالیں۔ان کا کہنا تھا کہ چیئرمین نیب چھوٹے چھوٹے پٹواریوں کو پکڑتا ہے لیکن نواز شریف پر 13 مقدمات کے باوجود نہیں پکڑتا، انہیں شرم آنی چاہیے اور چیئر مین نیب کو ہی سب سے پہلے جیل میں ڈالنا چاہیے، چیئرمین ایف بی آر بھی کرپٹ آدمی ہے ہر مہینے 25 کروڑ دبئی بھجواتا ہے، تمام ریاستی ادارے شریف خاندان کے غلام بن گئے ہیں۔عمران خان نے کہا کہ پنجاب پولیس میں سفارش پر بھرتیاں ہوتی ہیں اور آئی جی پنجاب شہباز شریف کے پاؤں میں بیٹھا ہوتا ہے، پنجاب پولیس کو شریف خاندان کی نوکر بنادیا گیا ہے وہاں جھوٹے مقدمات بنائے جاتے ہیں، مجھ پر بھی 3،4 مقدمات بنادیے گئے ہیں تو عام آدمی کا کیا حال ہوگا لہذا غیر قانونی کام کروائیں گے تو پولیس کیسے چلے گی تاہم خیبرپختونخوا پولیس کی ہر جگہ تعریف ہوتی ہے جس پر فخرہے۔