اسلام آباد(زمونگ سوات آن لائن نیوز) اسلام آباد ہائی کورٹ نے سپریم کورٹ آف پاکستان کے سابق چیف جسٹس افتخار محمد چوہدری کی بلٹ پروف گاڑی سے متعلق مزید دلائل سننے سے انکار کر دیاہے ۔ تفصیلات کے مطابق اسلام آباد ہائیکورٹ کے جسٹس شوکت عزیز صدیقی نے سابق چیف جسٹس افتخارچوہدری کی بلٹ پروف گاڑی کے بارے میں مزیددلائل سننے سے معذرت کرتے ہوئے گاڑی8 دسمبرکوپیش کرنے کا حکم دیاہے۔عہدے سے فارغ ہونے کے باوجود افتخار چوہدری کے پاس بلٹ پروف گاڑی کی موجودگی کے خلاف درخواست اسلام آباد کے ایک شہری حنیف راہی کی طرف سے دی گئی جس میں درخواست گزار حنیف راہی کا کہنا تھا کہ بلٹ پروف گاڑی کا پیٹرول اور گاڑی کے دیگر اخراجات عوام کے دیے ہوئے ٹیکسوں سے ادا کیے جا رہے ہیں۔
واضح رہے کہ افتخار محمد چوہدری دسمبر سنہ 2013 میں اپنے عہدے سے ریٹائر ہوگئے تھے جس کے بعد اُنھوں نے حال ہی میں پاکستان جسٹس اینڈ ڈیموکریٹک پارٹی کے نام سے سیاسی جماعت بھی بنائی ہے اور اس پارٹی میں زیادہ ارکان کا تعلق وکلا برادری سے ہے۔
Discussion about this post