جرائم سے پاک سوات مہم میں عوام پولیس کے ساتھ تعاؤن کریں ، ڈی پی او سوات

سوات (زمونگ سوات ڈاٹ کام )ڈسٹر کٹ پولیس آفیسر عباس مجید خان مرو ت کے سربراہی میں جمعہ کے روز اپنے دفتر میں بریکوٹ سرکل کے کرائم میٹنگ کی اجلاس کی ،اجلاس میں ڈی ایس پی بریکوٹ سرکل سید زمان شاہ ،ڈی ایس پی انوسٹی گیشن حسین بادشاہ مختلف تھانوں کے ایس ایچ اوز نے شرکت کی،اجلاس سے خطاب کرتے ہوئے ڈی پی او سوات نے کہاکہ جرائم سے پاک سوات مہم میں عوام پولیس کے ساتھ تعاؤن کریں ، سوات میں دیر پا قیام امن کے ساتھ ساتھ جرائم کو جڑ سے ختم کر نے کا عزم کر رکھا ہے ، پولیس اور عوام کے درمیان فاصلوں کو ختم کرینگے ،پولیس عوام کے ساتھ اچھا رویہ اختیار کریں قیام امن کو بحال رکھنا ہمارا اولین ترجیح ہے،سوات کے عوام محب وطن ہے انکی قربانیوں کے بدولت سوات میں امن بحال ہوچکا ہے ،انہوں نے کہا کہ شرپسند اور جرائم پیشہ افراد کیخلاف اپریشن میں کسی قسم کے کوتاہی برداشت نہیں کرینگے، شرپسند اور جرائم پیشہ افراد کیخلاف اپریشن کو تیز کیا جائے،جس سے جرائم میں کمی آئیگی ، انہوں نے افسران بالا کوسختی سے ہدایات دی کہ پولیس عوام کی جان و مال کی تحفظ کی ذمہ دار ہے پولیس کو چاہےئے کہ عوام کی جان ومال کے تحفظ کو یقینی بنا ئے،مشکوک افراد اور کرایہ داران پرکھڑی نظر رکھی جائے،تاکہ علاقہ میں جرم کی کسی قسم کی کاروائی نہ ہونے پائے، فریقین کے درمیان کاروائی انسدادی عمل میں لائی جائے، لاوڈ اسپیکر کے ناجائیز استعمال پر پابندی لگائی جائے،پولیس آفیسران جرائم کے روک تھام کے متعلق پبلک لیزان کمیٹی کیساتھ میٹنگزکریں۔