آج اللہ تعالیٰ کے فضل وکرم سے ہر جگہ میرٹ اور انصاف کا بول بالا ہے، محمود خان

سوات (زمونگ سوات ڈاٹ کام) صدر پاکستان تحریک انصاف ملاکنڈ ڈویژن اورصوبائی وزیرکھیل ‘ثقافت‘اثارقدیمہ اور امورنوجوانان محمود خان نے کہا ہے کہ جب ہم نے اقتدار سنبھالا تو کرپشن اورسفارش کلچر جس نے ہمارے نظام کو کھوکھلا کردیا تھاجس کا خاتمہ ہمارے لئے ایک بڑا چیلنج تھا جس سے نمٹنے کیلئے پی ٹی آئی کے صوبائی حکومت نے وزیر اعلیٰ خیبر پختونخواہ پرویز خٹک کے قیادت میں ہنگامی بنیادوں پر عملی اقدامات اٹھائے ہیں اور آج اللہ تعالیٰ کے فضل وکرم سے ہر جگہ میرٹ اور انصاف کا بول بالا ہے ان خیالات کا اظہار انہوں نے یونین بہا مٹہ سوات میں شمولیتی تقریبات سے بحیثیت مہمان خصوصی خطاب کرتے ہوئے کیا۔اس موقع پر ضلعی کونسلر زرشید عالم خان‘بہادر خان‘علی خان کے علاوہ ناظم ویلج کونسل سخرہ‘تحصیل کونسلرز اور علاقہ کے معززین و عوام بھی کثیر تعداد میں موجود تھے۔تقریبات کے دوران پاکستان مسلم لیگ(ن) پیپلز پارٹی‘عوامی نیشنل پارٹی اور جمیعت علماء اسلام کے ساتھ35سالوں سے وابستہ فاضل بانڈہ اور بہا کے قد آور شخصیات میاں سید گل باچا‘سید حیات علی شاہ ‘جمال شاہ‘علی شاہ ‘کمال شاہ ‘حسن صاحب‘عارف شاہ ‘اختر علی‘میاں سید عظیم‘سردار علی‘میاں سید زمین‘فضل عظیم‘ذاہد علی‘فضل ذادہ‘اے این پی یوتھ بہا کے صدر طارق عزیز‘محمد دین‘ذاہد اللہ‘خالد رحمان‘سلطان حسین‘قوی‘محمد ذادہ‘باچا ذادہ‘سعید اللہ‘کشور ‘محمد یعقوب اور صالح الرحمان نے اپنے خاندانوں سمیت سینکڑوں ساتھیوں کے ہمراہ اپنے اپنے سیاسی پارٹیوں سے مستعفی ہوکر پاکستان تحریک انصاف میں شمولیت کا اعلان کیااور کہا کہ ہم پی ٹی آئی کے مخلص قیادت اور علاقے کے تعمیر وترقی کیلئے صوبائی وزیر محمود خان کے بے لوث خدمت سے متاثر ہوکر پی ٹی آئی شمولیت اختیار کررہے ہیں اور انشاء للہ تاحیات محمود خان کے قیادت میں پی ٹی آئی کے مشن کو آگے بڑھانے کیلئے اپنا کردار ادا کریں گے۔وزیر کھیل نے پی ٹی آئی میں شمولیت اختیار کرنے والوں کو اپنی اور پارٹی کے طرف سے خوش آمدید کہتے ہوئے مبارکباد پیش کی۔انہوں نے کہا کہ ان شخصیات کے شمولیت سے جہا ں تحریک انصاف کومذید تقویت ملی گی وہاں عوامی مسائل حل ہونے میں تندہی سے حل ہونے میں بھی مدد ملی گی۔محمود خان نے کہا کہ عمران خان کی وژن اور تحریک انصاف کی جدوجہد کا بنیادی مقصد غریب عوام کے زندگیوں میں خوشحالی لانا ‘محروم طبقوں کی مسائل حل کرنا ‘ معاشرے سے ظلم ونا انصافی کا خاتمہ کرنا اورمظلوموں کو فوری انصاف کی فراہمی ہے۔محمود خان کا کہنا تھا کہ ماضی میں کسی نے اسلام ‘روٹی کپڑا مکان اور پختونوں کے نام پر دھوکہ دیا اور سابق ادوار میں لوٹ مار کا بازار گرم تھا۔انہوں نے کہا کہ سابقہ دور حکومتوں میں حکمرانوں کے کچن اور حجروں کے خرچ پٹواری اور تھانیدار برداشت کرتے تھے لیکن پی ٹی آئی کے حکومت نے پٹواریوں کا قبلہ درست کرکے محکمہ مال کے ریکارڈ کو کمپیوٹرائز کیا تاکہ کرپشن اور رشوت کا خاتمہ ہو۔اسی طرح محکمہ پولیس میں اصلاحات سے سیاسی مداخلت کا خاتمہ ہوگیا ہے اور پولیس کو عوام کا تابع بنادیا ہے۔انہوں نے حلقہ نیابت میں ترقیاتی کاموں کا ذکر کرتے ہوئے کہا کہ کروڑوں روپے کے لاگت سے تحصیل ہیڈکواٹر ہسپتال مٹہ کے اپ گریڈیشن‘گرلز کالج اور سپورٹس کمپلیکس کا قیام بھی جلد عمل میں لایا جارہا ہے۔محمود خان نے کہا کہ سونامی ختم نہیں ہوئی بلکہ روز بروز اس میں اضافہ ہورہا ہے۔آئے روز تحریک انصاف میں شمولیت اس بات کی عکاسی کرتی ہے کہ عوام کا پی ٹی آئی کے صوبائی حکومت کے مثبت پالیسیوں اور اچھے کارکردگی پر اعتماد بڑھ رہا ہے انہوں نے امید ظاہر کی کہ انشاء للہ 2018کے عام انتخابات میں عوام روایتی سیاستدانوں کو ایک بار پھر عبرت ناک شکست سے دوچار کریں گے اور پی ٹی آئی کو بھاری اکثریت سے کامیاب کرائیں گے۔