شانگلہ ، ماچاڑ کے قریب گاڑی حادثہ ، دو افراد جاں بحق ، چھے زخمی

شانگلہ ( زمونگ سوات ڈاٹ کام ) سوات سے شانگلہ جاتی ہوئی گاڑی کو حادثہ ، دو افراد جاں بحق ، چھے افراد زخمی ، تفصیلات کے مطابق گزشتہ روزسوات کے علاقے کبل سے تعلق رکھنے والے افراد کی گاڑی اس وقت حادثے کا شکار ہوگئی جب وہ فاتحہ خوانی کیلئے شانگلہ جارہے تھے کہ اچانک الپوری کے قریب ماچاڑ نامی گاؤں کے قریب بریک فیل ہوگیا اور گاڑی پہاڑی سے ٹکرانے کے بعد کھائی میں جا گری جس کے نتیجے میں دوافراد امیر زیب اور فریدون سکنہ کبل سوات موقع پر جاں بحق اور چھے افراد زخمی ہوگئے جن کو طبی امداد کیلئے سیدو شریف ہسپتال منتقل کردیا گیا ۔