پشاور زلمی سے راستے الگ؟ شاہد آفریدی نے ’’تبدیلی ‘‘ دکھادی

لاہور( زمونگ سوات ڈاٹ کام )پاکستان کرکٹ ٹیم کے سابق کپتان شاہد خان آفریدی اپنی سابق فرنچائز پشاور زلمی سے نالاں نظر آتے ہیں جس کی ایک جھلک میران شاہ میں ہونے والے امن کپ ٹورنامنٹ کے دوران نظر آئی جب یو کے جرنلسٹ الیون کے ساتھ میچ کے دوران آفریدی نے پشاور زلمی کی جگہ پاک فوج کا ’’لوگو ‘‘استعمال کیا۔پاک آرمی، پی سی بی اور پشاور زلمی کے اشتراک سےہونے والے ٹورنامنٹ میں شاہد آفریدی کے رویے سے یہ ثابت ہوتا ہے کہ وہ اپنی سابقہ فرنچائز میں جانے کا ارادہ نہیں رکھتے۔ یاد رہے کہ شاہد آفریدی پی ایس ایل کے تیسرے ایڈیشن میں کراچی کنگ کی نمائندگی کریں گے۔شاہد آفریدی اور زلمی فرنچائز کے درمیان تنازعہ اس وقت بھی خبروں کی زینت بنا تھا جب آفریدی نے پشاور زلمی کی قیادت ویسٹ انڈین آل راؤنڈر ڈیرن سیمی کو سونپ دی تھی۔