صوبائی حکومت نے سرکاری اداروں کو سیاسی مداخلت سے مکمل طور پر آزاد کر دیا ہے، فضل حکیم خان

سوا ت(زمونگ سوات ڈاٹ کام ) چیئرمین ڈیڈیک فضل حکیم خان نے کہا ہے کہ صوبائی حکومت نے سرکاری اداروں کو سیاسی مداخلت سے مکمل طور پر آزاد کر دیا ہے سرکاری حکام لوگوں کو شکایات کا موقع نہ دیں صوبائی حکومت کی کوششوں کی بدولت فوڈ سیفٹی اینڈ فوڈ اتھارٹی ایک مضبوط ادارہ بن چکا ہے وہ اپنے دفتر سیدو شریف میں فوڈ سیفٹی اینڈحلال فوڈ اتھارٹی کے ریجنل ڈپٹی ڈائریکٹر محمد اسد قاسم سے گفتگو کر رہے تھے فضل حکیم خان نے کہا کہ ضلع سوات میں معیاری خوراک اور معیاری اشیاء کیلئے حلال فوڈ اتھارٹی کا ہر وقت کوششیں کرنا ضروری ہے تاکہ کوئی بھی شخص اپنے پیسوں کیلئے کسی کو غلط اور غیر معیاری چیزیں فروخت نہ کریں انہوں نے کہا کہ موجودہ صوبائی حکومت حقیقی معنوں میں سنجیدگی سے تمام اداروں میں مزید اصلاحات کر رہے ہیں اور صحت کے حوالے سے کسی کے ساتھ کوئی سمجھوتا نہیں کرتی صحت مند معاشرہ تشکیل دیناہم سب کی اولین ذمہ داری ہے انہوں نے کہا کہ ہماری حکومت نے کرپشن کسی صورت قابل برداشت نہیں ہے انہوں نے کہا کہ حلال فوڈ اتھارٹی غیر معاری اشیاء کے خلاف بلا امتیاز کاروائی کریں صوبائی حکومت تمام ممکن سہولیات فراہم کرے گی انہوں نے کہا کہ ہمیں امید ہے کہ حلال فوڈ اتھارٹی اپنی ذمہ داریاں بھر پور طریقے سے نبھائے گی اور دن رات عوام کی شکایات بر وقت ازالہ کرے گی ۔