اپر کوہستان میں موٹر کار حادثہ، خواتین اوربچے سمیت 6 افراد جاں بحق ہوگئے

اپر کوہستان ( زمونگ سوات ڈاٹ کام ) اپر کوہستان میں موٹر کار گاڑی گہری کھائی میں گرنے سے خواتین اوربچے سمیت 6 افراد جاں بحق ہوگئے، ہزارہ ڈویژن کے ضلع اپر کوہستان میں لوٹر کے قریب گاڑی ڈرائیور سے بےقابو ہوکر گہری کھائی میں جاگری، حادثےمیں گاڑی میں سوار 6افراد جاں بحق ہوگئے،کوہستان پولیس کے مطابق جاں بحق ہونے والوں میں3مرد ،2خواتین اور ایک بچہ شامل ہے،پولیس حکام نے بتایا کہ گاڑی گلگت سے کوہستان آتے ہوئے حادثے کا شکار ہوئی جبکہ مقامی افراد اور پولیس نے کھائی سے لاشیں نکال کر شتیال اسپتال منتقل کردیں،جاں بحق ہونے والے تمام افراد کا تعلق گلگت بلتستان سے ہی ہے جن میں یاسمین اظہر زوجہ ڈاکٹر اظہر حسن انجینئر عدنان حسن ولد ڈاکٹر اظہر حسن ،انجینئر کرار حسن خان ولد ڈاکٹر اظہر حسن اسرار حسن خان ولد ڈاکٹر اظہر حسن فاطمہ ولد ڈاکٹر اظہر حسن شامل ہے جو راولپنڈی سے اپنے گھر گلگت جا رہے تھے کہ اپر کوہستان لوٹر کے مقام پر حادثے کے شکار ہوئے ایک ہی گھر سے چھ جنازے اٹھنے پر علاقے میں غم کا سماء تھا ۔