آئی ایم ایف کی 200 کے بجائے500 ارب روپے کے نئے ٹیکسز لگانے کی تجویز

پاکستان اور آئی ایم ایف کے درمیان تکنیکی کے بعد پالیسی سطح کے مذاکرات ہوں گے،نجی ٹی وی چینل ہم نیوز کے مطابق ذرائع کاکہناہے کہ تکنیکی سطح مذاکرات میں بجٹ خسارہ کم کرنے کی تجاویز پر غورکیا جائے گا،حکومتی اخراجات میں 611 ارب روپے کمی کی تجویزپر غور کیا جائے گا، اس کے علاوہ مختلف شعبوں میں سبسڈیز ختم کرنے کی تجویز بھی زیر غور آئیں گی،مذاکرات میں پیٹرول پر سیلز ٹیکس اور لیوی بڑھانے پر غورکیا جائے گا۔بیرونی ادائیگیوں کے دباو کو کم کرنے کیلئے مختلف تجاویز پر غورکیا جائے گا۔

ذرائع کاکہناہے کہ آئی ایم ایف کو سبسڈیز کم کرنے کاپلان دے دیا گیا،آئی ایم ایف نے سیلز ٹیکس کی شرح 17 سے بڑھا کر 18 فیصد کرنے کی تجویزدیدی،سیلز ٹیکس کی 110 ارب روپے تک کی رعایتیں ختم ہونے کا امکان ہے.

ذرائع کاکہناہے کہ آئی ایم ایف کی جانب سے مشکل تجاویز پر حتمی فیصلہ وزیر اعظم شہبازشریف کرینگے،آئی ایم ایف شرائط ماننے پر پیٹرول، ڈیزل ، بجلی مزید مہنگی ہوسکتی ہے۔